KAIYI бренді 2014 жылы Chery корпорациясының еншілес компаниясы — Cowin Auto ретінде жас жүргізушілерге арнап құрылды. 2017 жылы Сычуань провинциясының Ибинь қаласының билігі негізгі инвесторға айналды. Бұл брендтің масштабталуына мүмкіндік берді: штаб-пәтері Ибиньге көшірілді, заманға сай зауыт салынды. 2022 жылы бренд ресми түрде KAIYI Auto болып қайта аталды. Ибинь билігі акциялардың 82%-ын, ал Chery 18%-ын иеленіп, технологиялық ынтымақтастықты жалғастырды. Бұл брендтің халықаралық нарыққа шығуына жол ашты.

Қазіргі таңда негізгі өндіріс қуаты 2019 жылы ашылған Ибинь зауытында шоғырланған, жылына 300 000 көлік шығаруға жобаланған.
KAIYI Қытайдағы ең ірі инженерлік орталықтардың біріне ие: онда платформа, қозғалтқыш, трансмиссия сынды негізгі компоненттер әзірленеді, олар түрлі климаттық және жол-көлік жағдайларына бейімделген. Huawei, Tencent және CATL-пен ынтымақтастық арқасында цифрлық шешімдер мен энергия тиімді технологиялары енгізілуде.

2024 жылы KAIYI көліктері Қазақстанда ресми дистрибьютор – Vision Auto (Orbis Auto тобына кіретін) арқылы ұсынылды. Алғашқы 8 айда 777 көлік сатылды. Қазіргі таңда KAIYI модельдері 11 қалада (Алматы, Шымкент, Өскемен, Атырау, Ақтау, Орал, Павлодар, Астана, Қостанай, Қарағанды, Тараз) 12 дилерлік орталық арқылы қол жетімді.
Vision Auto-ның жоғары нәтижелері «2025 KAIYI Auto Market Leadership Award» жүлдесімен және дилерлік желінің маркетингтік тиімділігі мен даму көрсеткіштері бойынша дипломдармен мойындалды.